ජනපති ගිය රිය පෙළට කොල්ලුපිටියේදී කතක් පනින්න හදලා.

ජනාධිපතිවරයා ගමන්ගත් රථ පෙළට පැනීමට තැත් කළ බවට සැකපිට අත්අඩංගුවට ගෙන රක්‍ෂිත බන්ධනාගාර ගතකර සිටින සැකකාරිය මානසික ආබාධයකින් පෙළෙන බවට මානසික විශේෂඥ වෛද්‍ය නීල් ප්‍රනාන්දු මහතා කොටුව මහෙස්ත්‍රාත් අධිකරණයට වාර්තාවක් ලබා දී තිබේ.
සිද්ධිය සම්බන්ධයෙන් දෙමටගොඩ පදිංචි සින්නි ජයද්‍රා මොහොමඩ් ලෙබ්බේ නමැති සැකකාරියක් අත්අඩංගුවට ගෙන රක්‍ෂිත බන්ධනාගාර ගතකර තිබිණි.
ඉකුත් 10 දින ජනාධිපතිවරයා රැගත් රථ පේළිය කොල්ලුපිටිය ලිබර්ටි වටරවුම අසලින් ගමන් කරන අවස්ථාවේ සැකකාර කාන්තාව එම රථ පේළියට පැනීමට තැත් කළ බවට කොල්ලුපිටිය පොලිසිය විසින් අත්අඩංගුවට ගෙන කොටුව මහෙස්ත්‍රාත් අධිකරණයට ඉදිරිපත් කිරීමෙන් අනතුරුව මහෙස්ත්‍රාත් තිළිණ ගමගේ මහතා ලබන 22දා දක්වා රක්‍ෂිත බන්ධනාගාර ගතකර තිබූ අතර මානසික වෛද්‍යවරයකුට පෙන්වා වාර්තාවක් අධිකරණයට ඉදිරිපත් කරන ලෙසද නියෝග කර තිබිණි