යාල වනෝද්‍යානය පවතින අයහපත් කාලගුණ තත්ත්වය හේතුවෙන් දින නියමයක් නොමැතිව වසා දමන බව එහි උද්‍යාන භාරකරු මනෝජ් විද්‍යාරත්න මහතා පවසනවා.
යාල වනෝද්‍යානයේ සංචාරකයින් ගමන් කරන උද්‍යාන භූමියෙන් 75%ක පමණ ප්‍රදේශයක් ජලයෙන් යටවීම හා සෆාරි ජීප් රථ ගමන් ගන්නා මාර්ග ද ජලයෙන් යටවීම හේතුවෙන් දින නියමයක් නොමැතිව උද්‍යානය වසා තැබීමට තීරණය කළ බව ඔහු සඳහන් කරනවා.
උද්‍යානයට ඇතුළු වන පලටුපාන ප්‍රධාන පිවිසුම් දොරටුව ප්‍රදේශය ද ජලයෙන් යටවී ඇති අතර උද්‍යානයේ ඇති සංචාරක නිවාසවල සිටි සියලු ම සංචාරකයන් සහ කාර්ය මණ්ඩලය ද එම ස්ථානවලින් ඉවත් කළ බවයි ඔහු වැඩිදුරට ත් සඳහන් කළේ .
තිස්සමහාරාම ප්‍රදේශයෙන් යාල උද්‍යානයට ඇතුළු වන පිවිසුම් දෙක ද ජලයෙන් යටවී ඇති අතර උද්‍යානයේ ඇති සියලු ම වැව් හා මැණික් ගඟ ද පිටාර ගැලීම හේතුවෙන් උද්‍යානය ජලයෙන් යටවී තිබෙනවා.
Leave a Reply