පොහොට්ටුව සමග තවත් මොන සාකච්ඡාද?.. ශ‍්‍රීලනිප මන්ත‍්‍රීන් පක්ෂය පාවා දුන්නා..- දයාසිරි
ජනාධිපති අපේක්ෂකයා ලෙස ගෝඨාභය රාජපක්ෂ මහතා නම් කිරීමෙන් පසුව ශ්රී ලංකා පොදුජන පෙරමුණ සමග ශ්රී ලංකා නිදහස් පක්ෂයට තවත් සාකච්ඡා කිරීමට ඇත්තේ කුමක්දැයි ප්‍රශ්නයක් තිබෙන බව ශ්රී ලංකා නිදහස් පක්ෂ මහලේකම් පාර්ලිමේන්තු මන්ත්‍රී දයාසිරි ජයසේකර මහතා පවසනවා.
උපක්‍රමිකව ශ්රී ලංකා නිදහස් පක්ෂය එතැනට තල්ලූ කිරීමට පොදුජන පෙරමුණට අවශ්‍යවී තිබුණු බවද ඔහු සඳහන් කලා.
ජනාධිපතිවරයා විසින් ජාතික ලැයිස්තුවෙන් පාර්ලිමේන්තුවට පත් කර ඇති බහුතරය ශ්රී ලංකා නිදහස් පක්ෂය පාවා දුන් බව ද ඔහු කියා සිටියා.
ශ්රී ලංකා පොදුජන පෙරමුණට සමුළුවක් සංවිධානය කිරීමට අයිතියක් ඇති නමුත් පක්ෂයක් ලෙස ශ්රී ලංකා නිදහස් පක්ෂයට ආරාධනා නොකර මන්ත්‍රීවරුන්ට වෙන වෙනම ආරාධනා දියවීම සදාචාරසම්පන්න නැති බවයි මහලේකම්වරයා පවසන්නේ.
ජනාධිපතිවරණයෙන් දේශපාලනය නිමා නොවන බව ද පැවසු මහ ලේකම්වරයා ඉන්පසුවද පක්ෂයට නායකත්වය දීමට මෛත්‍රීපාල සිරිසේන මහතා හැකි බවද කියා සිටියා.