අම්මයි තාත්තයි මමයි හදපු ශ්‍රී ලංකා එක නෙමෙයි දැන් තියෙන්නේ – චන්ද්‍රිකා
ශ්‍රී ලංකා නිදහස් පක්ෂයේ ආරම්භක ප්‍රතිපත්තීන් වර්තමානය වනවිට වෙනස් වී ඇති බව හිටපු ජනාධිපතිනි චන්ද්‍රිකා බණ්ඩාරණායක කුමාරතුංග මහත්මිය පවසනවා.
යක්කල වීරගුල ප්‍රදේශයේ කාන්තා ව්‍යවසායකයින්ට ද්‍රව්‍යමය ආධාර ප්‍රදානය කිරීමේ අවස්ථාවට එක්වෙමින් හිටපු ජනාධිපතිවරිය මේ අදහස් පළ කළා.
තමාගේ මව පියා සහ තමන් විසින් ගොඩ නැගූ ශ්‍රී ලංකා නිදහස් පක්ෂය මේ වන විට නොමැති බවත් පක්ෂයේ සිදුවන කිසිවක් පිළිබඳ තමා දැනුවත් භාවයකින් තොර බවත් වැඩිදුරටත් අදහස් දක්වමින් ඇය ප්‍රකාශ කළා.