අධිකරණ ඇමතිනිය කලේ ඇමෙරිකානු කොන්ත්‍රාත්තුවක්-අනුන් විනාශ කළ හිමිවරු කවුදැයි හෙළි කරන්න
මංගල සමරවීර අමාත්‍යවරයාට මෙන්ම තලතා අතුකෝරල අමාත්‍යවරියටද අවශ්‍යව ඇත්තේ රට තුළ අර්බුදයක් නිර්මාණය කර විදෙස් හමුදාවන් මෙරටට ගෙන්වා ගැනිමට බව පිවිතුරු හෙළ උරුමය චෝදනා කරයි.
එහි නායක, පාර්ලිමේන්තු මන්ත්‍රී උදය ගම්මන්පිල මහතා අද කොළඹ පැවැති මාධ්‍ය හමුවකදී මේ බව ප්‍රකාශ කළේය.
සමහර භික්ෂුන් වහන්සේලා බුදුන් දේශනා කළ ධර්මයට පිටින් ගිහින් අනුන් විනාශ කිරීමට පෙළෙඹෙනවා යනුවෙන් අමාත්‍යවරිය ප්‍රකාශ කළ බව ගම්මන්පිල මහතා මෙහිදී කියා සිටියේය.
මෙහිදී වැඩිදුරටත් අදහස් දැක්වු ගම්මන්පිල මහතා මෙසේ පැවසීය.
“මරාගෙන මැරෙන බෝම්බ ප්‍රහාරයට භික්ෂුන් වහන්සේලා ගිය බව අපට නම් ආරංචි වුණේ නෑ. පන්සල් ඇතුලේ පුපුරණ ද්‍රව්‍ය එක් රැස් කළා කියලා පත්තරයකවත් තිබුණේ නෑ.
ඒ නිසා මහ සංඝරත්නයට අපහාස නොකර අනුන් විනාශ කළ සමහර භික්ෂුන් වහන්සේලා කවුදැයි එතුමිය දැන් රටට කිව යුතුයි.
එහෙම නැත්නම් එතුමිය වෙසක් පුන් පොහොය දිනම මහා සංඝරත්නයට අපහාස කලා වෙනවා. ඒ වගේම සිවුරු සිය ගණනින් මුස්ලිම් අන්තවාදින් සතුව තිබිය දී සිවුරු පොරවා ගත් මුස්ලිම්වරුන් අත්අඩංගුවට පත් වෙද්දී යම් පහර දීමක සිවුරු දරා ගත් අයෙකු දුටු පමණින් ඒ භික්ෂුන් වහන්සේ නමක් කියා තීරණය කලේ කොහොමද කියා අපට කියන්න ඕනේ?
ඒ වගේම භික්ෂු විනය ගැන වෙසක් අනුශාසනා පවත්වන්න එතුමිය කවුද? විසාකා මහ උපාසකාවිය තබා භික්ෂුණි සසුන ඇරඹූ බුදුන් වහන්සේගේ සුළු මව් ප්රතජාපති ගෝතමියවත් භික්ෂු විනය ගැන කතා කලේ නෑ. මංගල ඇමතිතුමා වගේ ඔබතුමියත් ඇමෙරිකාවෙන් ඔළුව හෝදා ගෙන කියාලයි අපට නම් හිතෙන්නේ.
වෙසක් පෝය දවසේ මෙහෙම ප්රඇකාශයක් කළාම බෞද්ධයින්ගේ සිත රිදෙන බව ඔබතුමියට සිහිපත් වුණේ නැද්ද?
මංගල ඇමතිතුමාට වගේම තලතා ඇමතිතුමියටත් ඕනෑ රට ගිනි තියලා විදේශ හමුදා ගොඩ බස්සා ගන්නයි. අගමැතිතුමන්ගේ සිහින සැබෑ කරන්නයි.
ඒ නිසා තමයි රට ගිනි ගන්නා ප්‍රකාශ කරන්නේ. ඒ අතරේ එක්සත් ජාතින්ගේ ආර් ටු පි නැතිනම් ආරක්ෂා කිරීමේ වගකීම පිළිබඳ විශේෂ උපදේශිකා කැරන් ස්මිත් ලංකාවේ බෞද්ධයින් මුස්ලිම් සහ ක්‍රිස්තියානි සුළුතරයට හිංසා කරනවා කියා ප්‍රකාශ නිකුත් කරනවා.
සුළු ජන කොටස් ආරක්ෂා කිරීමට හමුදා ගොඩ බැස්ස විය යුතු රටවල් තීරණය කිරීම තමයි කැරන් නෝනාගේ වගකීම.
බෞද්ධයන්ගෙන් අන් අය බේරා ගන්න ලංකාවට හමුදාවක් යැව්වොත් හොඳයි වගේ කියලා කැරන් නෝනා හිතන කොටම “මෙන්න හාමුදුරුවරු අනුන් විනාශ කරනවෝ” කියලා තලතා නෝනා කෑගහනවා. එහෙම නම් තලතා ඇමතිතුමිය මේ ඉටු කරන්නේ ඇමෙරිකාවේ කොන්ත්රාිත්තුවක් නොවේ ද? එක්සත් ජාතීන්ගේ උවමනාව නොවෙයිද?