අපි කිසිවෙක් ඩීල් දාන්න සුදානම් නෑ – හැරිසන්
එක්සත් ජාතික පක්ෂයට වඩා සමගි ජන බලවේගය ශක්තිමත් බව අනුරාධපුර දිස්ත්‍රික් අපේක්ෂක පී. හැරිසන් මහතා පවසයි.
අනුරාධපුරයේ දී මාධ්‍යයට අදහස් දක්වමින් ඔහු මේ බව සඳහන් කළේය.
මෙහිදී වැඩිදුරටත් අදහස් දැක්වූ ඒ මහතා පවසා සිටියේ, එක්සත් ජාතික පක්ෂයෙන් තමන් ඇතුළු පිරිස කැඩී නොගිය බවය.
තවමත් එජාප පාක්ෂිකයන් ලෙස කටයුතු කරන බව ද පැවසූ ඔහු, කෘත්‍යාධිකාරී මණ්ඩලය ගනු ලැබූ තීරණයක් අනුව, සමගි ජන බලවේගය නිර්මාණය කළ බව ද පැවසීය.
සමගි ජන බලවේගයේ කිසිවෙක් “ඩීල්“ දැමීමට සූදානමක් නොමැති බව ද පැවසූ හැරිසන් මහතා, අගෝස්තු මාසයේ දී ඒ එවැනි අයට පිළිතුරු හිමිවනු ඇතැයි ද පැවසීය.