කොවිඩ් 19ට එරෙහිව ආණ්ඩුව ගන්නා සියලු පියවරවලට UNPයේ කොන්දේසි විරහිත සහාය!
කොවිඩ් නයින්ටීන් වෛරස ව්‍යාප්තිය පාලනය කිරීමට අවංක හා සද්භාවයෙන් ආණ්ඩුව ගන්නා සියලු පියවර සදහා කොන්දේසි විරහිතව සහාය දක්වන බව එක්සත් ජාතික පක්ෂය පවසයි.
නිවේදනයක් නිකුත් කරමින් පක්ෂ නායක රනිල් වික්‍රම සිංහමහතා පවසන්නේ මෙම අර්බුදයට මුහුණදීම සදහා අවශ්‍ය නම් විශේෂ නීති සම්පාදනය කිරිමටපියවර ගන්නා ලෙසයි.
ගෝලීය වශයෙන් වෛරස ව්‍යාප්තිය සැලකිල්ලට ගැනිමේ දී මෙය සැහැල්ලුවෙන් සැලකීමට නොහැකි කාරණයක් බව පවසන රනිල් වික්‍රමසිංහ මහතා විශේෂයෙන් සමාජ දුරස්ථකරණය තවදුරටත් පවත්වාගෙනයාම අතිශ්‍ය වැදගත් බව පෙන්වා දෙයි.
සෞඛ්‍ය අංශ පවසන පරිදි අප්‍රේල් මස 04 වනදා සිට 11 වනදාදක්වා මෙම වසංගතය ශ්‍රී ලංකාව තුළ උපරිමයට ලඟාවිය හැකි බැවින් ඉතා සැලකිල්ලෙන් කටයුතු කළ යුතු බව එක්සත් ජාතික පක්ෂ නායක රනිල් වික්‍රමසිංහ මහතා වැඩිදුරටත් පෙන්වා දෙයි.