දේශීය වෙදකම නොසලකා කටයුතු කිරීම ගැන රාජ්‍ය ඇමති කලකිරීමෙන්

“බටහිර වෛද්‍යවරුන් අපේ දේශීය ආයුර්වේද වෛද්‍ය ක‍්‍රමයට එහෙමත් නැත්නම් හෙළ වෙදකමට දක්වන්නේ අඩු සැලකිලි. මේක ඉතාම කනගාටුදායක තත්ත්වයක්.“ යැයි දේශීය වෙදකම් ප‍්‍රවර්ධන, ග‍්‍රාමීය හා ආයුර්වේද රෝහල් සංවර්ධන හා ප‍්‍රජා සෞඛ්‍ය රාජ්‍ය ඇමති සිසිර ජයකොඩි මහතා පවසයි.

ජාතික පුවත්පතකට ප්‍රකාශයක් කරමින් රාජ්‍ය අමාත්‍යවරයා මේ බව ප්‍රකාශ කර තිබේ.

එහිදී තවදුරටත් රාජ්‍ය ඇමැතිවරයා මෙසේද සඳහන් කර තිබේ.

“අපේ බටහිර වෛද්‍යවරු දේශීය ආයුර්වේද වෛද්‍ය ක‍්‍රමයට දක්වන්නේ අඩු සැලකිල්ලක්. ඒ වගේම ආයුර්වේද වෛද්‍යවරුනුත් ඒ නොසැලකිල්ල ම සිදු කරනවා. අපේ පාරම්පරික වෛද්‍යවරුන්ටත්, ඒ නිසා සමස්ත දේශීය වෙදකම ගොඩනැගීම තමයි අපේ අමාත්‍යංශයේ අරමුණ වෙලා තියෙන්නේ. කොරෝනා වසංගතයට දේශීය ඖෂධ රාශියක් මේ වෙනකොට එළිදක්වා තිබුණත් සායනික පරීක්‍ෂණයක් සඳහාවත් මෙතෙක් අපිට ඉඩ ලබාදීලා නැහැ. මේක හරිම කනගාටුදායක තත්ත්වයක්. නමුත් ලෝක සෞඛ්‍ය සංවිධානය ප‍්‍රකාශිත නිර්දේශ අනුව අවුරුදු සිය ගණනක් පැවතගෙන එන පාරම්පරික ඖෂධ සායනික පරීක්‍ෂණයකින් තොරව රෝගීන් වෙත ලබාදිය හැකි බව දන්වා තිබෙනවා. ඒ වගේම චීනය වැනි රටවල් රෝගියාට බටහිර ද, දේශීය ද යන ප‍්‍රතිකර්මවලින් තමුන්ට කැමති ප‍්‍රතිකර්ම ක‍්‍රමවේදය තෝරාගැනීමට නිදහස තිබෙනවා. ඒ නිසා අද අවශ්‍ය වන්නේ බටහිර වෛද්‍ය ක‍්‍රමයත්, දේශීය වෛද්‍ය ක‍්‍රමයත් එක්කාසුවූ ප‍්‍රතිකර්ම ක‍්‍රමයකට යාමයි. මේ බලපෑම් කරන වෛද්‍යවරුන් ලබාගන්නෙත් සාම්ප‍්‍රදායික දේශීය ඖෂධ වර්ග.“ යැයි රාජ්‍ය ඇමැතිවරයා වැඩිදුරටත් පැවසීය.

Leave A Reply

Your email address will not be published.