උසස් පෙළ විභාගය අදින් අවසන්..

අධ්‍යාපන පොදු සහතික පත්‍ර උසස් පෙළ විභාගය අදින් (06) අවසන් වෙයි.

පසුගිය ඔක්තෝබර් මස 12වන දා සිට දිවයින පුරා පිහිටි විභාග මධ්‍යස්ථාන 2648ක දී උසස් පෙළ විභාගය පැවැත්වුණි.

මෙවර උසස් පෙළ විභාගය සඳහා අපේක්ෂකයන් 362,824දෙනෙකු සුදුසුකම් ලබා තිබුණි.

කොවිඩ් -19 අවදානම හමුවේ නිරෝධායන ඇඳිරිනීතිය ක්‍රියාත්මක පොලිස්බල ප්‍රදේශවල උසස් පෙළ විභාගය සඳහා පෙනීසිටින ශිෂ්‍ය ශිෂ්‍යාවන්ට අතිරේක විභාග මධ්‍යස්ථාන ස්ථාපිත කිරීමට අධ්‍යාපන අමාත්‍යංශය පියවර ගෙන තිබුණි.

එමෙන්ම කොවිඩ් – 19 ප්‍රතිකාර මධ්‍යස්ථායක්වූ IDH රෝහලේ සහ නිරෝධායන මධ්‍යස්ථාන කිහිපයක ද මෙවර උසස් පෙළ විභාගය පැවැත්වීමට සිදුවූ බව විභාග කොමසාරිස් ජනරාල් සනත් පූජිත මහතා පැවසීය.

කොවිඩ් – 19 අවදානම මධ්‍යයේ වුව ද මෙවර උසස් පෙළ විභාගය සාර්ථකව පැවැත්වීමට හැකිවූ බව හෙතෙම සඳහන් කළේය.

Leave A Reply

Your email address will not be published.