ලංකා ප‍්‍රිමියර් ලීග් තරගාවලිය ක්‍රීඩාංගණ දෙකක දී..

යෝජිත ලංකා ප‍්‍රිමියර් ලීග් පන්දුවාර විස්ස ක‍්‍රිකට් තරගාවලියේ සියලු තරග ක‍්‍රීඩාංගණ දෙකක දී පමණක් පැවැත්වීමට තීරණය කර තිබෙනවා.

ඒ අනුව  පල්ලේකැලේ ක‍්‍රීඩාංගනයේ දී සහ හම්බන්තොට මහින්ද රාජපක්ෂ ක‍්‍රීඩාංගණයේ දී එම තරගාවලියේ තරග 23 ම පැවැත්වීමටයි තීරණය කර ඇත්තේ. මීට පෙර රංගිරි දඹුල්ල ක‍්‍රීඩාංගණයේ දී ද මෙවර ලංකා ප‍්‍රිමියර් ලීග් තරගාවලියේ තරග කිහිපයක් පැවැත්වීමට නියමිතව තිබුණා.

තරගාවලියට සදහා ක‍්‍රීඩකයන් තෝරාගැනීම එළඹෙන 19 වනදා සිදු කිරීමට ද නියමිතව තිබෙනවා. ඒ සදහා විදෙස් ක‍්‍රීඩකයන් 75දෙනෙකු ඉදිරිපත්වීමට නියමිතයි.

ලංකා ප‍්‍රිමියර් ලීග් ක‍්‍රිකට් සදහා කණ්ඩායම් පහක් එක් වන අතර එක් කණ්ඩායමකට විදෙස් ක‍්‍රීඩකයන් 6දෙනෙකු එක් කර ගැනීමට නියමිත අතර ඒ අනුව විදෙස් ක‍්‍රීඩකයින් 30ක් එම තරගාවලියට එක්වනු ඇති.

ලංකා ප‍්‍රිමියර් ලීග් ක‍්‍රිකට් තරගාවලිය නොවැම්බර් 21 වනදා ආරම්භ කිරීමටයි දැනට සැලසුම් කර ඇත්තේ.

Leave A Reply

Your email address will not be published.