ASUS නවතම ZenBook 13 (UX325) සහ ZenBook 14 (UX425) දැන් ශ්‍රී ලංකාවේ

full I/O ports සහිත 10th Gen Intel Core CPU මගින් බලගැන්වෙන, edge-to-edge keyboards සහ four-sided NanoEdge displays  සහිත අඟල් 13.3 සහ 14 ප්‍රමාණයේ ලොව සිහින්ම ලැප් ටොප් පරිගණක

2020, සැප්තැම්බර් 13, ශ්‍රී ලංකාව, කොළඹ,—  ASUS වෙතින් ZenBook Classic මාදිලියේ අතට ඉතාමත් පහසු අඟල් 13.3 සහ 14 ප්‍රමාණයේ නවතම ZenBook 13 (UX325) සහ  ZenBook 14 (UX425) ලැප්ටොප් පරිගණක දෙකක් ශ්‍රී ලංකාවට හඳුන්වා දුන්නේය. මෙම ලැප් ටොප් මාදිලි දෙකම අතිශයින්ම සැහැල්ලු වන අතර ZenBook 13 හි බර  1.07 kg පමණ වේ. ලොව සිහින්ම මෙම ලැප් ටොප් පරිගණකයන් විශාල I/O හැකියාවන් ඇතුළු full-size HDMI සහ USB Type-A ports විශේෂාංගවලින් සමන්විතය. ඊට අමතරව Thunderbolt™ 3 USB-C® සහ microSD card reader සඳහා versatile connectivity පහසුකම්වලින් ද සමන්විත වේ.

10th Generation Intel Core processors මගින් ZenBook 13 සහ ZenBook 14 ලැප් ටොප් පරිගණක බල ගැන්වෙන අතර මීට ඉහත නිකුත් කෙරුණු generationවලට වැඩි වේගවත්, සුමට හා ප්‍රතිචාරාත්මක කාර්ය සාධනයක් Core i7 series මගින් ලබා දෙයි. එහිදී එදිනෙදා ජිවිතයේ විවිධ අවශ්‍යතාවයන් සහ විනෝදාස්වාදය සඳහා පරිශීලකයන්ට උසස් අන්දමින් සහය ලබා දීමට 32 GB, high-speed RAM ප්‍රමාණයක් මෙහි අන්තර්ගතව ඇත.

මෙම ලැප් ටොප් පරිගණකයන්හි performance පිළිබඳව අවධානය යොමු කිරීමේ දී  2TB PCIe® 3.0 x4 SSD දක්වා වේගවත් හා ශක්තිමත් දත්ත ගබඩා කර ගැනීමේ හැකියාවක් ඇති අතර එමගින් වේගවත් ඇරඹුමක් සහිත near-instant app loading හැකියාව සහතික කරයි. එලෙසම පරිශීලකයන් උද්දාමයට පත් කරන නවතම WiFi 6 (802.11ax) විශේෂාංගය මගින් WiFi 5 වඩා 3න් ගුණයක වේගයක්, 4 ගුණයකට වැඩි ජාල ධාරිතාවක්, සහ ප්‍රමාද වීමේ හැකියාව 75% කින් අවම කිරීම සිදු වේ.

The compact four-sided NanoEdge displays මගින් ලැප්ටොප් එකෙහි screen එකෙහි ප්‍රමාණය එහි බඳෙහි ප්‍රමාණයෙන් 90%ක ප්‍රතිශතයක්  අත්පත් කර ගෙන ඇති අතර අතිශය අඩු බලයක් වැයවන 1-watt display එක මගින් බැටරි ආයු කාලය උපරිම කරයි. ඇදහිය නොහැකි තරමේ බලශක්ති කාර්යක්ෂමතාවක් සහිත ZenBook 13 සහ 14,  එක් ආරෝපණයකින් පැය 22 ක බැටරි ආයු කාලයක් ලබා දෙයි. එසේම fast-charge හැකියාව හරහා මිනිත්තු 49 කින් 60% ආරෝපණ මට්ටමක් ලබා දීමට සමත්ය.

එලෙසම නවතම ASUS USB-C Easy Charge විශේෂාංගය මගින් ultrafast charging පහසුකමත්, ප්‍රමිති සහතික ලත් ඕනෑම USB-C charger එකක් මගින් ආරෝපණය කිරීමේ හැකියාවත් ලබා දී ඇත. එමෙන්ම wall sockets නොමැති අවස්ථාවකදී airline chargers, portable chargers හෝ power banks භාවිතයෙන් සාමාන්‍ය  තත්ත්වයෙන් ආරෝපණය කිරීමේ හැකියාව ඇත. Thunderbolt 3 USB-C ports දෙක මගින් 4K UHD බාහිර display දෙකක් පහසුවෙන් සම්බන්ධ කිරීමට පහසුකම් සපයා ඇති අතර එමගින් පුළුල් හැකියාවන්ගෙන් සමන්විත visual workspace නිර්මාණය කර ගැනීමට සහය වේ. එසේම මෙමගින් 40 Gbps ක ultrafast දත්ත හුවමාරු වේගයක් ද ලබා දෙයි.

මෙම ඉතා සියුම් ZenBook 13.9 mm මාදිලියෙහි තවත් සුවිශේෂිත්වයක් වන්නේ එය  ASUS NumberPad 2.0 අංක පුවරුවද ඇතුළත්ව නිර්මාණය කර තිබීමයි. එසේම ද්විත්ව ක්‍රියාකාරී touchpad ය සමඟ LED-illuminated full-size numeric keypadය, edge-to-edge keyboard, උපරිම යතුරු ලියනය කිරීමේ පහසුව සහ නිරවද්‍යතාවය ලබා දෙන ErgoLift hinge සහ fast face-recognition හැකියාවෙන් යුතු IR camera වලින්ද මෙම ලැප් ටොප් පරිගණක සමන්විතය.

 ශ්‍රී ලංකාවට හඳුන්වා දෙනු ලැබූ නවතම ZenBook පරිගණක පිළිබඳව ඉන්දියාවේ සහ දකුණු ආසියාවේ ASUS සමූහ ව්‍යාපාර පද්ධතියේ, කලාපීය අධ්‍යක්ෂ, ලියොන් යූ මහතා මෙසේ සඳහන් කළේය. ”ZenBook 13 සහ  ZenBook 14 කියන්නේ අප බොහෝ දෙනා හුරු වී සිටින කාර්යබහුල ජිවන රටාව තුළ වැඩ කිරීමට, නිර්මාණකරණයේ යෙදීමට, විනෝදාස්වාදය ලබාගැනීමට බාධාවකින් තොරව සහය ලබා දෙන උසස්ම තත්වයේ අති නවීන ලැප් ටොප් පරිගණක දෙකක්. මෙම ZenBook මාදිලියේ හැඩරුව, ප්‍රබලත්වය, සහ අතිශය සැහැල්ලු අකාරයෙන් අතේ ගෙන යාමේ හැකියාව සමඟ සමස්තයක් වශයෙන් උසස් ක්‍රියාකාරිත්වයක් ලබා දෙනු ඇත.”

Leave A Reply

Your email address will not be published.