O/L ලියන්න අවස්ථාවක් ඉල්ලන 9 හැවිරිදි දැරිය

“මම ඉගෙනගන්නේ හතරවෙනි වසරේ. මට 6 වසරේ දී ඕ ලෙවල් ලියන්න අවස්ථාව දෙන්න.” මේ ඉල්ලීම 9 හැවිරිදි දියණියකගෙනි. ඇය පොළොන්නරුවේ, අරලගංවිල චෙනුලි ලෙහන්සා ය.

ඇය පවසන්නේ හය වැනි ශ්‍රේණියේ ඉගෙනුම ලැබුව ද අපොස සාමාන්‍ය පෙළ විභාගයෙන් ඒ සමාර්ථ නවයක් ලබාගැනීමට තමාට හැකියාව ඇති බවය.

සිංහල, ඉංග්‍රීසි සහ ගණිත විෂයට පමණක් නොව සත්ත්ව විද්‍යාවට ද, විශේෂ හැකියාවක් දක්වන ලෙහන්සා, තත්පර කිහිපයක් තුළ ආවර්තිතා වගුව එක හුස්මට කියාගෙන යන්නේ  කවුරුත් පුදුම කරමිනි.

ඇය ඉගෙනුම ලබන්නේ දිඹුලාගල අරලගංවිල, විලයාය ප්‍රාථමික විද්‍යාලයේ ය. චෙනුලි පළමු වසරට ඇතුළත් කරන විටත් ඉංග්‍රීසි භාෂාව චතුරව හැසිරවීමට සමත්කම් දැක්වූ බව ඇයගේ දෙමව්පියෝ පවසති. සිංහල මාධ්‍යයෙන් පමණක් අධ්‍යාපනය හදාරන ඇය ඉංග්‍රීසි භාෂාව මෙතරම් දක්ෂ ලෙස හැසිරවීම සැබවින්ම මවිතයට කරුණකි.

ගණිතය විෂයට ද විශ්මිත දස්කම් දක්වන ඇය බිලියන හා ට්‍රිලියන ගණන් කටපාඩමින් ගණනය කරන අයුරු අදහාගන්නට බැරි තරම්ය .

“මට 6 වසරේ දී සාමන්‍ය පෙළ කරන්න ඕනේ. හැම විශේෂකට ම A සාමාර්ථ ගන්න පුළුවන්, මට චෙස්, ගණිතය, ඉංග්‍රීසි සහ සත්ව විද්‍යාව වැනි බොහෝ දේ කරන්න පුළුවන්, මට උදව් කරන්න කෙනෙක් ඉන්වා නම්, මගේ ලංකාව වෙනුවෙන් බොහෝ ජයග්‍රහණ ගන්න පුළුවන්.“ යනුවෙන් චෙනුලි ලිහන්සා පැවසීය.

Leave A Reply

Your email address will not be published.