එජාපයේ 74 වන සංවත්සරය හොර රහසේම පවත්වයි

එජාපයේ 74 වන සංවත්සරය සිරිකොත පක්ෂ මුලස්ථානයේදී ඊයේ (06) මාධ්‍යට දොර වසා දමා පවත්වා තිබේ.

දැනගන්නට තිබෙන ආකාරයට ඉතා කුඩා පිරිසකගේ සහභාගිත්වයෙන් මෙම සංවත්සරය පවත්වා ඇත.

මෙම සංවත්සරය එජාපය සිය ඉතිහාසයේ පැවැත්වූ සුවිශේෂීම සංවත්සරය වේ. ඒ එකදු පාර්ලිමේන්තු නියෝජනයක් නොමැතිව පැවති සංවත්සරය නිසාය.

පසුගිය මහ මැතිවරණයේ දී එජාපයට ජාතික ලැයිස්තු මන්ත්‍රී ධූරයක් හිමි වී අතර මේ වන විටත් ඒ සඳහා කිසිවෙකුත් නම් කර නොමැත.

එජාපයේ 74 වන සංවත්සරය මාධ්‍යට විවෘත නොකළේ ඇයි දැයි යන්න පක්ෂ මහ ලේකම් අකිල විරාජ් කාරියවසම් මහතාගෙන් අසා දැනගන්නා ලෙස පක්ෂයේ නියෝජය මහ ලේකම් රුවන් විජේවර්ධන මහතා මාධ්‍යවේදීන් හමුවේ ප්‍රකාශ කොට තිබේ.

මෙම සංවත්සරයේ ඡායාරූප හා විස්තර එජාප මාධ්‍ය අංශය විසින් මාධ්‍ය වෙත නිකුත් කොට ඇති බව දැනගන්නට තිබේ.

Leave A Reply

Your email address will not be published.