ජනතාවට ඉන්ධන සහනයක්..

කොවිඩ් 19 හේතුවෙන් ලෝක වෙළෙඳපොළේ ඉන්ධන මිල පහළ යාමත් සමග එහි වාසිය මහජනතාවට ලබාදීම සඳහා රජය විසින් ඩීසල් හා පෙට්‍රල් මත පනවා තිබූ රු. 26ක අධිභාරය ඉවත් කරන ලද බව විදුලිබල හා බලශක්ති අමාත්‍ය මහින්ද අමරවීර පවසනවා.

නැවතත් ලෝක වෙළෙඳපොළේ ඉන්ධන මිල ගණන් ක්‍රමයෙන් ඉහළයමින් පැවැතීම ඊට හේතුව බවයි අමාත්‍යවරයා සඳහන් කළේ.

ලෝක වෙළෙඳපොළ තුළ ඉන්ධන මිල ඉහළ ගියත් මෙරට ඉන්ධන මිල ඉහළ දැමීමේ අදහසක් නොමැති බවයි අමාත්‍යවරයා සඳහන් කළේ.

ඉන්ධන අධිභාරය ඉවත් කිරීම මගින් ලංකා ඛනිජ තෙල් නීතිගත සංස්ථාවට සිදුවන පාඩුව පෙට්‍රල් ලීටරයකට රුපියල් 35කටත් වඩා වැඩි වන අතර, ඩීසල් ලීටරයකින් සිදුවන පාඩුව රු. 25ක් පමණ වන බව ද අමාත්‍යවරයා සඳහන් කර සිටියා.

පසුගිය මාස දෙක තුන තුළ ලෝක වෙළෙඳපොළෙහි ඉන්ධන මිල පහළ යාම තාවකාලිකව සිදු වූවක් වන අතර කොවිඩ් 19 නිසා ලෝකයේ බොහෝ රටවල් විසින් පනවා තිබූ සීමාවන් ඉවත් කිරීමත් සමග නැවත වරක් ඉන්ධන මිල ඉහළ යමින් තිබේ.

එම අවස්ථාවේ මිල අවම නිසා  ශ්‍රී ලංකා රජය විසින් ඉන්ධන මිල අඩු කිරීමක් සිදු නොකළේ ඉන්ධන මිල ඉහළ ගිය පසු නැවතත් මිල වැඩි කිරීමට සිදුවන නිසා බව කී අමාත්‍යවරයා ඉදිරි කාලය තුළ ලෝක වෙළෙඳෙපොළේ ඉන්ධන මිල කෙතරම් ඉහළ ගිය ද, මෙම වසර අවසානය වන තෙක් මෙරට ඉන්ධන ‍මිල ඉහළ දැමීමක් කිසිදු අයුරකින් සිදු නොකරන බව සඳහන් කර සිටියා.

ඉන්ධන අධිභාරය පැනවීමේ වාසිය මහජනතාවට ලබාදීම රජයේ අරමුණ බව ද හෙතෙම අවධාරණය කළේය.

මේ වනවිට ලෝක වෙළෙඳපොළේ ඉන්ධන මිල නැවතත්  ඉහළ යමින් පවතින බැවින්, මිල අඩුවූ අවස්ථාවේ ඉන්ධන මිල අඩු කළා නම් ඉතාමත් කෙටි කාලයක් තුළ ඉන්ධන මිල නැවතත් ඉහළ නැංවීමට රජයට සිදුවන බව පැවසූ ඇමතිවරයා ඉන්ධන මිල අඩු කළා නම් එහි වාසිය අත්වන්නේ සාමාන්‍ය මහජනතාවට නොව වාහන ඇති සීමිත පිරිසකට පමණක් බව ප්‍රකාශ කර සිටියා.

නමුත් අධිභාරය පැනවීම තුළින් ඉන්ධන මිල පහළ යාමේ වාසිය රටට අත් වූ බවයි මෙහිදී අමාත්‍ය මහින්ද අමරවීර මහතා ප්‍රකාශ කර සිටියේ.

Leave A Reply

Your email address will not be published.