වැලිසර නාවික හමුදා කඳවුර යළි විවෘත කරන්න අවසර

කොවිඩ් ව්‍යාප්තිය නිසා හුදකලා කෙරුණු වැලිසර නාවික හමුදා කඳවුර සාමාන්‍ය රාජකාරී සඳහා යළි විවෘත කිරීමට සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා අවසර ලබා දී තිබේ.

නාවික හමුදාව පවසන්නේ පියවර කිහිපයක් යටතේ කඳවුරේ රාජකාරී යළි ආරම්භ කිරීමට සැලසුම් කර ඇති බවයි.

ඊයේ (19) දින මෙරටින් හඳුනාගැනුණේ එක් ආසාදිතයෙකු පමණක් වන අතර ඔහු දෝහා කටාර් බලා යාම සඳහා මුම්බායි නගරයේ සිට කටුනායක ගුවන්තොටුපොළට පැමිණි ඉන්දිය ජාතිකයෙකි.

මෙරටින් හඳුනාගැනුණු සමස්ත කොවිඩ් ආසාදිතයන් අතරින් 1446දෙනෙකු මේ වන විට පූර්ණ සුවය ලබා පිටව ගොස් තිබේ.

491දෙනෙකු තවදුරටත් ප්‍රතිකාර ලබමින් සිටී.

Leave A Reply

Your email address will not be published.