යෝජිත ක‍්‍රිකට් පිටිය එපා යැයි මහේල අගමැතිතුමාට කළ පැහැදිලි කිරීම මෙන්න.. (Video)

ශ්‍රී ලංකාවේ ක්‍රිකට් ක්‍රීඩාව දියුණු කිරීම සඳහා සිදු කළ යුතු කාර්යයක් සම්බන්ධයෙන් හිටපු ක්‍රිකට් නායක මහේල ජයවර්ධන මහතා දීර්ඝ පැහැදිලි කිරීමක් කළේය.

අග්‍රාමාත්‍ය මහින්ද රාජපක්ෂ මහතා සමග ජ්‍යෙෂ්ඨ ක්‍රිකට් ක්‍රීඩකයන් පැවති සාකච්ඡාවක දී ඔහු පැහැදිලි කිරීම සිදු කළේය.

හොමාගම ආසන්නයේ ඉදිකිරීමට යෝජනා වූ මෙරට විශාලතම ක්‍රිකට් ක්‍රීඩාංගනය මේ මොහොතේ ප‍්‍රමුඛ නොවන බවත් ඒ වෙනුවට පළාත් මට්ටමින් සහ පාසල් මට්ටමෙන් නවක ක්‍රීඩකයන් ජාතික තලයට ගෙන ඒමේ වැඩපිළිවෙළට වැදගත්කම මහේල ජයවර්ධන විසින් අගමැති මහින්ද රාජපක්ෂ මහතා පහදා දෙන ලදි.

එමෙන්ම ඇතිවී තිබෙන කොරෝනා වසංගත තත්ත්වය හේතුවෙන් ලෝක ආර්ථිකය යම් ප්‍රමාණයකට සංකෝචනය වනු ඇති බවත් එනිසා හෝමාගම තවත් ක‍්‍රිකට් පිටියක් ඉදිකර එමගින් ලාභ ඉපැයීමක් ගැන සහතික කළ නොහැකි බවත් ඔහු පෙන්වා දුන්නේය.

සාකච්චාවේ ප්‍රතිඵල මත අගමැති මහින්ද රාජපක්ෂ මහතා දැනුම්දී තිබුණේ අදාළ ක්‍රිකට් ක්‍රීඩාංගණය ඉදිකිරීම වහා අත්හිටුවන ලෙසයි.

Leave A Reply

Your email address will not be published.