පාසල් යළි විවෘත කරන්නේ කොරෝනා අවදානම සම්පූර්ණයෙන් ම පහව ගිය පසුවයි

කොවිඩ් නයින්ටීන් වසංගතය හේතුවෙන් දැනට වසාදමා ඇති පාසල් යළි විවෘත කිරීම සම්බන්ධයෙන් එළඹෙන 26 වනදා සෞඛ්‍ය බලධාරීන් සමග සාකච්ඡාවක් පැවැත්වීමට නියමිත බව විෂය භාර අමාත්‍ය ඩලස් අලහප්පෙරුම මහතා පවසයි.

කෙසේ වෙතත් අමාත්‍යවරයා පෙන්වා දෙන්නේ පාසල් යළි විවෘත කරනු ලබන්නේ කොවිඩ් අවදානම සම්පූර්ණයෙන් ම පහව ගිය පසුව බවයි.

එම නිසා කිසිදු දෙමාපියෙකු ඒ සම්බන්ධයෙන් බියක් ඇති කර ගත යුතු නොවන බව ද අමාත්‍යවරයා සඳහන් කළේය.

මාතර දිස්ත්‍රික් ලේකම් කාර්යාලයේ අද (22) පෙරවරුවේ පැවති උත්සවයකට එක්වෙමින් අධ්‍යාපන අමාත්‍ය ඩලස් අලහප්පෙරුම මහතා මේ බව සඳහන් කළේය.

Leave A Reply

Your email address will not be published.