තැපෑලේ කටයුතුත් අත්හිටුවයි

නව කොරෝනා වෛරසය රට තුළ පැතිර යාමේ අවදානම හේතුවෙන් තැපැල් දෙපාර්තමේන්තුවේ මෙහෙයුම් කටයුතු නැවත දැනුම් දෙන තුරු අත්හිටුවා තිබෙනවා.

තැපැල්පති රංජිත් ආරියරත්න පැවසුවේ තැපෑලේ කටයුතු නවතා ඇති කාලසීමාව තුළ විදේශයන්ගෙන් ලැබෙන පාර්සල් හා තැපැල් භාණ්ඩ මධ්‍යම තැපැල් හුවමාරුවේ රඳවා තැබෙන අතර රටෙහි පවත්නා තත්වය යහපත් අතට හැරුණු පසු බෙදා හැරීමේ කටයුතු සිදු කරන බවයි.

වැඩිහිටියන් හා රෝගී තත්වයෙන් පෙළෙන අය කාර්යයාල වෙත කැඳවීම ඔවුන්ගේ ජීවිතවලට අවදානම් තත්වයක් වන බැවින් තැපැල් කාර්යයාල හරහා සිදු කරන වැඩිහිටි හා රෝගාධාර ගෙවීම අත්හිටුවන බව ද තැපැල්පතිවරයා නිකුත් කළ ප‍්‍රවෘත්ති නිවේදනයක සඳහන්. තැපෑලේ මෙහෙයුම් කටයුතු සාමාන්‍ය තත්ත්වයට පත් වී දිනක් ගත වීමෙන් පසු එම ගෙවීම් සිදු කිරීමට කටයුතු කරන බව ද තැපැල්පති රංජිත් ආරියරත්න වැඩිදුරටත් සඳහන් කළා.

Leave A Reply

Your email address will not be published.