‘එකක් ගහල සමරන්න කැමති නෑ’..ඉන්දියාවත් එක්ක හෙට තියෙන මැච් එක දිනන හැටි මුෂ්ෆිකර් කියයි..

675

ශ‍්‍රී ලංකාව සමග පැවැති තරගයෙන් කඩුලු 05ක ජයක් හිමිකරගැනිමෙන් පසු බංගලදේශ කණ්ඩායම ප‍්‍රමාණවත් වර්ධනයක් ලබා ඇති බව තමා විශ්වාස කරන බව බංගලදේශ කණ්ඩායමේ හිටපු නායක මුෂ්ෆිකර් රහීම් පවසනවා.

ශ‍්‍රී ලංකාව සමග 10 වැනිදා පැවැති තරගයේදි විශිෂ්ට ඉනිමක් ක‍්‍රිඩා කළ මුෂ්ෆිකර් පන්දු 35කදි නොදැවී ලකුනු 72ක් රැස් කරමින් බංගලාදේශ කණ්ඩායම වාර්තාගත ජයක් හිමිකරදිමට සමත්විය.

‘මම විශ්වාස කරනවා අපිට ඉතිරි තරග දෙකත් අපිට ජයග‍්‍රහණය කරන්න පුලුවන් කියලා..මම කැමති නෑ එක තරගයක් ජයගෙන ඒක සමරන්න..ඒ තරගයේ තණතීරුව පිිතිකරුවන්ට ඉතා යෝග්‍යයි..අවුරුදු 13ක් ක‍්‍රීඩා කරල තියෙන නිසා අපි වර්ධනය වෙන එක ස්වාභාවිකයි..මට අවශ්‍ය කරල තිබුනේ මගේ දක්ෂතාවයන් එක්ක ක‍්‍රිකට් මට ලබාදුන් දෙවල් කණ්ඩායම වෙනුවෙන් නැවත ලබාදෙන්නයි.’

හෙට තිබෙන තරගය පිලිබදව අදහස් දැක්වු මුෂ්ෆිකර් පවසා සිටියේ බංගලාදේශ කන්ඩායමේ පිතිකරණ අංශය ශක්තිමත් බැවින් පන්දු යවන්නන් ඉන්දියානු පිිතිකරුවන්ට එරෙහිව හොදින් පන්දු යැවිය යුතු බවයි.

‘අපිට ඉන්දියාවත් එක්ක තරගයේදි හොදට පන්දු යවන්න වෙනවා..ඔවුන් ගොඩක් ශක්තිමක් කණ්ඩායමක්.ඒත් අපි හොදින් පන්දු යැව්වොත් අපිට පුලුවන් වෙයි ඔවුන්ට එරෙහිව තරගය ජයගන්න’

නිදහස් කුසලාන තරගාවලියේ ඉන්දියානු කණ්ඩායම හා බංගලාදේශ කණ්ඩායම අතර පැවැත්වෙන තරගය හෙට ආර් පේ‍්‍රමදාස පිටියේදී පස්වරු 7ට ආරම්භ වීමට නියමිතව ඇත.

LEAVE A REPLY

Please enter your comment!
Please enter your name here