‘ක‍්‍රිඩාංගනය සීතලයි..එංගලන්තයේදි වගේ.ඉන්දියාව පරාජය වුණු නිසා ඒකත් හොදයි’..කලකට පසු පිටියට බසින අසේලගෙන් පේ‍්‍රක්ෂකයින්ට බලාපොරොත්තුවක්..

619

ශ්‍රී ලංකා ක්‍රිකට් කණ්ඩායම පසුගිය කාලයේ දැක්වූ දුර්වලතාවය හමුවේ බොහෝ දෙනාට මතක් වුන ක්‍රීඩකයෙක් වුයේ අසේල ගුණරත්නය.අසේල ශ්‍රී ලංකා කණ්ඩායමට ක්‍රීඩා කරන්නට පටන්ගෙන වැඩි කලක් නොවුනද ඔහු ක්‍රීඩා කල තරඟවල ඔහු තුන් ඉරියව් ක්‍රීඩකයෙකු ලෙස ශ්‍රී ලංකා කන්දයමට කල සේවය නිසා අසේල ගැන ප්‍රේක්ෂකයන් තුල මෙලෙස විශ්වාසයක් ගොඩ නැගී ඇත.

මාස හතරකට පමණ පසුව නැවත අසේලගේ සේවය ශ්‍රී ලංකා කණ්ඩායමට ලැබී ඇති අතර තරඟය පිළිබඳව අසේල පපරේ වෙබ් අඩවිය සමඟින් කල සාකච්චාවකදී අදහස් දක්වා ඇත.

“පහුගිය මාස හතරක කාලය මට දැනුනේ අවරුදු දෙකක් තරම්,ඇත්තටම ඒ කාලය ගොඩක් අමාරු කාලයක්,මම පොඩ්ඩක් සනීප වෙද්දීම පුහුණුවීම් ආරම්භ කළා,මේ වගේ අභාදයක් නිසා අවුරුද්දක් වගේ කාලයක් ක්‍රිකට් වලින් ඈත්වෙලා ඉන්න ඕන වුනත් මම වෛද්‍ය උපදෙස් එකක් ගොඩක් කැපවීමෙන් පුහුණුවීම් කරලා අද වෙනකොට නැවත කණ්ඩායමට ක්‍රීඩා කරන්න පුළුවන් තැනට ඇවිත් තියනවා.ඒ ගැනනම් දැන් සතුටුයි.”

අසේල තවමත් තමාට ක්‍රිකට් වලින් ඉවත් වී සිටීමට සිදුවූ අභාදය ගැන අදහස් දක්වන්නේ ප්‍රේක්ෂකයන් සිතේ නැවත අසේල අභාදයට ලක්වේදෝ යයි සැකයක් ඇතිවන කතාවකි.

“තාමත් මගේ මහපට ඇඟිල්ලේ ප්ලාස්ටර් එකක් දාල තියෙන්නේ ඒක කොටස් හයකට පුපුරලා කියල තමයි කියන්නේ,දැන් මාස හතරක් ගියත් තවමත් ඒ වේදනාව මට දැනෙනවා වගේ.”

හෙට පැවැත්වෙන තරඟය ගැන අසේලට ඇත්තේ සුභවාදී ආකල්පයකි.

“පහුගිය කාලේ මම අපේ අයක්‍රීඩා කල තරඟ රූපවාහිනියෙන් බැලුව,මට ඉක්මනටම ලංකාවේ කණ්ඩායමට ක්‍රීඩා කරන්න ඕන කමෙන් හිටියේ,හෙට තරඟය තියන දර්මශාල ක්‍රීඩාංගනය හරි ලස්සන තැනක් ඒ වගේම ලොකු හීතලක් එක්ක එංගලන්තයේ තරඟයක් වගේ හැගීමක් එන්නේ,එකත් හොඳයි මොකද අපි චැම්පියන්ස් කුසලානයේදී ඉන්දියාව එංගලන්තයේදී පරාජය කල නිසා.

මට මීට පෙරත් අභාද වලට ලක්වෙලා තියනවා හැබැයි ඒ හැම එකක්ම සතියක් දෙකක් උපරිම මාසයක් තමයි ක්‍රිකට් අතහැරලා හිටියේ මේ අභාදය එහෙම බැලුවම මගේ ක්‍රිකට් ජීවිතයට ලොකු වෙනසක් කල දෙයක්.”

අසේල මෙම තරඟයේදී බොහෝ විට ඇන්ජලෝ මැතිව්ස්ට පසුව පිටියට පැමිණීමට නියමිත බවද ආරංචි මාර්ග පවසයි.

“මම සාමාන්‍යයෙන් දඟ පන්දු යවන්නන්ට හොඳින් පහර දෙන්න පුළුවන් මැදපෙළ පිතිකරුවෙක් විදියට නම් දරුවත් මේ තණතිල්ල ගොඩක් වෙලාවට වේගපන්දු යවන්නන්ට යෝග්‍ය වෙන නිසා හොඳ අභියෝගයක් තියෙයි කියල තමයි හිතන්නේ,පන්දු යැවීමෙන් මොනවා හරි දෙයක් කරන්න පුළුවන් වෙයි කියලත් හිතනවා.දකුණු අතේ ප්‍රශ්නයක් නැති නිසා පන්දු යවන්නෙක් විදියට මම ලොකු කැපකිරීමකින් පහුගිය කාලයේ පුහුණුවීම් කල නිසා ලොකු දෙයක් කරන්න පුළුවන් කියල හිතනවා.”

අසේලගේ මෙන්ම අපේ පැතුමද අසේලට ශ්‍රී ලංකාව වෙනුවෙන් තුන් ඉරියව්වෙන්ම ලොකු සේවයක් කර එක්දින කලකින් නොලැබුන එක්දින ජයක් ශ්‍රී ලංකාවට ලබා දීමට හැකි වේවා යන්නය.

LEAVE A REPLY

Please enter your comment!
Please enter your name here